Bizdiñ tarïxımız

«Şalqar» ulttıq arnası 1966 jıldıñ 1-qañtarında aqparattı-sazdı «Şalqar» bağdarlaması retinde tusawın kesti. 1998 jılı jumısın waqıtşa toqtatqanımen, 2002 jılı qayta aşılıp, alğaşında tek Almatı qalasınıñ köleminde ğana xabar tarattı. Keyinnen éfïr waqıtı ulğayıp, respwblïka awmağına taray bastadı.
 
«Şalqar» ulttıq arnası - respwblïkadağı tek qana qazaq tilinde xabar taratatın jalğız arna. Radïo  önimderi qazirgi kezde respwblïka awmağınıñ 62,04 payızına taraydı. Ğalamtordağı http://shalkarfm.kz jeke saytı arqılı älemniñ är tükpirinen tıñdaw mümkindigi bar.
 
«Şalqar» radïosınıñ resmï saytı http://shalkarfm.kz   2011 jılğı 18 şildeden aqparat taratadı. Onlayn translyacïya 18 şildesinen beri éfïrde.
 
«Şalqar» ulttıq arnasınıñ  bastı maqsatı - qazaq xalqınıñ ulttıq, rwxanï qundılıqtarın nasïxattaw. Alğaş aşılğanda «Önerim-ömirim», «Atadan qalğan asıl söz», «Jeti ğasır jırlaydı», «Altın tamır» sındı bağdarlamalar arqılı tıñdarman jüregine jol taptı.   
 
Radïoda är jıldarı belgili jwrnalïster M.Jantïkïn, E.Äbdiğaparov, T.Rsaev, W.Qıdırxanov, E.Qaşqınov, Ğ.Esensarïev, A.Eñsebayulı, T.Mombekulı, Ğ.Ïgisin, D.Ïsabekov, talanttı dïktorlar S.Jaqanova, O.Qalmırzaev, U.Barmaşqızı  jumıs istedi.
 
Qazaq ädebïetiniñ sübeli şığarmaların, ulttıq mwzıkasın, ğasırlar qoynawınan jetken ğulamalar ğïbratın keñinen nasïxattawdı maqsat tutqan arna  «Bügingi ädebïet», «Ağalardıñ alaqanı», «Ğasır ğïbrattarı», «Küy-şejire», «Şalqar» şañırağında, «Sal dombıra», «İnjw-marjan», «Narïdirgen», «Terme» sındı xabarların usınıp keledi. Alıstan atamekenin añsap jetken otandastarımızdıñ tınıs-tirşiliginen sır şertetin «Twıstar-ay» xabarı büginde tıñdarmandardıñ zor ıqılasına ïe.
 
Sonday-aq, «Zamana bulbuldarı» aydarınan Jüsipbek Elebekov, Jänibek Kärmenov, «Bizge qımbat dawıstar» aydarınan Jamal Omarova, Roza Bağlanova sındı sañlaqtardıñ koncertteri berilwde. Öner düldülderiniñ üntaspağa jazılıp alınğan şığarmaların turaqtı türde berw dästürge aynalğan. Sondıqtan da «Şalqar» ulttıq arnası arqılı taralatın mwzıkalıq xabarlardıñ mañızı zor, köteretin jügi awır.
 
Radïo 2012 jılı Astana qalasındağı zamanawï ülgide salınğan «Qazmedïa ortalığına» köşti. Ortalıqta joğarı deñgeydegi şığarmaşılıqpen jumıs jasawğa barlıq jağday jasalğan. Jetilgen sandıq texnologïya ornatılğan. Munı ïgerw arqılı radïo mwl'tïmedïya sapına qosıldı.
 
Buğan deyin Qazaq radïosınıñ quramdas bir böligi - redakcïya bolıp kelgen radïoarna 2014 jıldıñ aqpan ayınan bastap jeke radïo bolıp qayta qurıldı.