Bolatbek Körpebayulı Tölepbergen

Bolatbek Körpebayulı Tölepbergen – mektepti kümis medal'ğa bitirip,  Äl-Farabï atındağı QazUW-dıñ jwrnalïstïka fakwl'tetin tamamdağan. Fïlosofïya ğılımdarınıñ kandïdatı ğılımï därejesin qorğağan.
       Eñbek jolın «Örken» jäne «Jas alaş» gazetteriniñ tilşisi bolıp bastağan. «Qazaq ädebïeti» gazetiniñ bölim meñgerwşisi, «Zerde» jäne «Jalın» jwrnaldarı bas redaktorınıñ orınbasarı, «Asar» jastar gazetin uyımdastırwşı, bas redaktorı, «Jwrnalïst» gazetiniñ redaktorı boldı. Şalqar radïosınıñ bas redaktorı, Qazaq radïosı dïrektorınıñ orınbasarı - «Şalqar» radïosınıñ dïrektorı,  «QAZAQ RADÏOLARI» JŞS Bas redaktorı qızmetterin atqardı. Qazir «Şalqar» radïosınıñ dïrektorı.


       Ulttıq mäseleler, tarïxï aqtañdaqtar jäne demokratïya prïncïpteri twrasında öz avtorlığımen jäne qurastırwımen jïırma kitaptı jarıqqa şığarğan. «Köşken künniñ boyawı» pwblïcïstïkalıq kitabı, «Biz bilmeytin jeltoqsan»   kitabı, «Jeltoqsan-86» on tomdıq estelikter, qujattar, maqalalar jïnağı" (qurastırwşı avtorı), «1937-2007:Tawqımet pen tağzım» jïnağı, «Mäñgi jas Alaş ïdeyası» kitabı, «Ultım dep soqqan jürekter» jïnağı, «Jeltoqsan qarlığaştarı» kitabı, «Ulttıq ïdeya – täwelsizdik tuğırı» kitabı, «Qasïettim-Jeltoqsan!» jäne «Biz osı ne bitirip jürmiz?» kitaptarı jarıq körgen. Sonday-aq, «Täwelsizdik besigin terbetken», «Süyikti meniñ otanım» attı derekti fïl'mderdiñ avtorı. 


      Bolatbek Tölepbergen - Qazaqstan Jazwşılar Odağı men «Atamura» korporacïyasınıñ jazwşı Oralxan Bökey atındağı stïpendïyasınıñ tuñğış ïegeri (1993), «Soros-Qazaqstan» jas jazwşılar bäygesiniñ jüldegeri (1996), Qazaqstan Jastar Odağı sıylığınıñ lawreatı (2003), «Astananıñ 10 jıldığı» merekelik medaliniñ ïegeri (2008), Memlekettik «Darın» jastar sıylığınıñ lawreatı (2008) jäne QR Mädenïet qayratkeri (2009) jäne  QR Prezïdentiniñ jwrnalïstïka salası boyınşa sıylığınıñ lawreatı (2011), «QR Täwelsizdiginiñ 25 jıldığı» merekelik medaliniñ ïegeri (2016). Qazaqstan Jazwşılar Odağı men Jwrnalïster Odağınıñ müşesi.