Qırğızstannıñ Oş qalasında TÜRKSOY Bawırlastar stellası aşıldı

17:05, 3 jeltoqsan 2019   156

Qırğızstannıñ Oş qalasındağı "Aqnïet" sayabağında "Oş Türki äleminiñ mädenï astanası — 2019" xalıqaralıq bağdarlamasınıñ ayaqtalwına oray TÜRKSOY Bawırlastar stellası aşıldı.

Räsimge Oş qalasınıñ méri Taalaybek Sarıbaşov, Xalıqaralıq türki mädenïeti uyımınıñ - TÜRKSOYdıñ bas xatşısı Düysen Qaseyinov, Qırğızstannıñ mädenïet, aqparat jäne twrïzm mïnïstri Azamat Jamanqulov, qalalıq keñes törağası Japarbek Ormonov, sonday-aq türkitildes 12 memlekettiñ mädenïet mïnïstrleri qatıstı, onıñ qatarında Türkïya, Äzerbayjan, Türkimenstan, Qazaqstan, Özbekstan bar.

Sonday-aq, stellanı aşw räsiminde qala méri Taalaybek Sarıbaşov "Oş Türki äleminiñ mädenï astanası – 2019" şarası barşa türkitildes elderi üşin mañızdı şara ekenin atap ötti.