QR Parlament Senatınıñ depwtatı Älï Bektaev: Aqındıq mağan ana sütimen keldi

Keşe «Quttı qonaq» bağdarlaması jarıqqa şıqtı. Bağdarlamağa qonaqqa QR Parlament Senatınıñ depwtatı Älï Äbdikärimulı Bektaev keldi.


11:08, 27 nawrız 2019   458

Ol öziniñ «Älemimdi ärleymin öleñmenen» kitabı twralı aytıp berdi.

«Jalpı, aqındıq degen – keremet özgeşe qubılıs. Nağız aqındar tek qana öleñmen ömir süredi. Men tek qana öleñmen ömir sürem desem, ötirik bolar edi.  Biraq, ömirdegi türli qubılıstar adamğa äser etip jatadı. Keybir kezde qabırğañdı qayıstıratın, jüregiñe tïetin qïyanattı jağdaylar da bolıp jatadı. Osınıñ barlığı tünde uyqıdan oyatıp nemese tañerteñ uyqıdan erte turğızıp jazdıradı. Osı öleñder jïnaqtala kele, jïnaq bolıp şıqtı». 

Aqın bağdarlamada:

 «Älemimdi ärleymin öleñmenen,

Örelisi önerdiñ öleñ degen,

Aqın bolw şart emes degenmenen, 

Oy salsam dep oylığa ümittenem»,- dep jır joldarın oqıp berdi.

Öziniñ ana sütimen kelgen aqındığı twralı depwtat: «Aqındıq mağan ana sütimen keldi desem, qatelespegen bolar edim. Anam 80-ge kelse de, abısın-ajındarınıñ arasında 2 şwmaq äzil öleñder jazıp qoyıp» dep ağınan jarıldı.