«Qazaqstan» teleradïokorporacïyasınıñ Digital bastamaları tanıstırıldı

Ortalıq kommwnïkacïyalar qızmetinde «Qazaqstan» teleradïokorporacïyasınıñ Digital platformadağı jaña jobaları men Dïmaş Qudaybergenniñ 29 mawsım küni Nur-Sultanda ötetin «Arnau» koncertine arnalğan baspasöz konferencïyası ötti.

12:49, 4 säwir 2019   356

Şara barısında «Qazaqstan» RTRK» AQ basqarma törağası Erlan Qarïn «Kinomax» jaña mobïl'dik qosımşasınıñ iske qosılwı jayında jäne «Arnau» koncertiniñ dayındıq barısı jönindegi jañalıqtarımen bölisti. 


Onıñ aytwınşa, «Qazir cïfrlandırw däwiri, sondıqtan körermenderdiñ köbisi älewmettik jelilerde, türli ïnternet sayttarda özderine qızıqtı da qajetti kontentti tawıp, tamaşalay aladı.  Tañdaw köp, sondıqtan tanımal trendterge säykes keletin kontent jasawşılar sanı künnen-künge köbeyip keledi, bäsekelestik küşeye tüswde. Osı orayda «Qazaqstan» korporacïyası zaman talabına say jumıs istewde.


«Ötken jılı «Qazaqstan Tv» mobïl'dik qosımşasın  iske qosqan bolatınbız, sol arqılı telearnalarımızdıñ jobaların onlayn rejïmde körw mümkindigi payda boldı. Azdağan waqıttıñ işinde qosımşanı jartı mïllïonnan astam qoldanwşı jüktep  aldı.  Sonday-aq älewmettik jelilerdegi jeke akkawnttarımızda jazılwşılar sanı 1 599 762 adamğa jetti. Al «Qazaqstan tv» Youtube arnasınıñ jazılwşılar sanı mïllïonğa jetip otır, sondıqtan qazirgi sätte elimizdegi memlekettik telearnalardıñ işinde eñ aldıñğı orında tur.  Mawsım ayında «Youtub-tıñ altın batırmasın» ïelenwimiz äbden mümkin. Odan basqa,  korporacïyamızğa qarastı barlıq akkawnttar men domender Qazaqstan Tv-ge awıstırıldı.  Jastar jılı ayasında Youtube arnamızda jastarğa arnalğan sïtkom dayındap jatırmız, ol twralı keyinirek bilesizder», - dedi Basqarma törağası.
Sonday-aq Erlan Qarïn korporacïyanıñ jañadan iske qosılğan «Kinomax»  mobïl'di qosımşasın tanıstırdı.

 

«Bügin Sizderdiñ nazarlarıñızğa usınıp otırğan  «Kinomax»  mobïl'di qosımşası – bul Andriod jäne IOS platformalarında täwligine 24 sağat boyı qoljetimdi vïdeoservïs. Osı qosımşa arqılı otandıq telexïkayalar, körkem jäne derekti fïl'mder, anïmacïyalıq fïl'mderdi onlayn rejïmmen qatar, offlayn rejïmde de körwge boladı. Qosımşada «Kinomax-tegi jaña fïl'mder» degen aydarda jañadan engizilgen kïnotwındılar jïnalğan, «Osı aptada tanımal» böliminde qoldanwşılardıñ arasında tanımal, joğarı bağalanğan kontent, al «Däl qazir körwde» - sol sätte qoldanwşılardıñ tamaşalap jatqan kontentin köre alasızdar. Sonımen qatar, kişkentay büldirşinder üşin «Balapan» rejïmi qarastırılğan. Bul toptamada «balapan» telearnasınıñ bağdarlamaları, anïmacïyalıq fïl'mder usınılğan.


Bul vïdeoservïs otandıq kontentti damıtwmen qatar, awdïtorïya suranısına  say  sapalı jobalardı usınw maqsatında iske asırıldı. Osı arqılı biz körermenderimizdiñ talğamın eskerip, bäsekege qabiletti jäne türli janrlardağı kontentti usınwdı közdeymiz»,-dedi.


Sonımen qatar, Erlan Qarïn «Qazaqstan» korporacïyasınıñ uyımdastırwımen ötetin Dïmaş Qudaybergenniñ koncertine dayındıq barısı jaylı mälimet aytıp ötti.
«Koncertke bïlet satıp alwşılardıñ eñ köbi qazaqstandıqtar, odan keyin Resey, AQŞ, Qıtay, Ulıbrïtanïya, Francïya, Germanïya, Japonïya, Türkïya, Nïderlandı, Rwmınïya, Pol'şa jäne t.b. Eñ alıs elderdiñ arasında Brazïlïya, Meksïka, Afrïka, Kanada, Avstralïya. Bïletter satılımğa şıqqan alğaşqı küni  6926 bïlet (30%) satılğan.Bir aptadan keyin bïletter satılımı 11099-ğa (48,2%) jetken. Büginde satılım 66%-ğa jetti, yağnï, 15156 bïlet satıldı. Dïmaştıñ koncertine kelem dewşilerdiñ sanı öte köp, ülken anşlagpen ötedi.


Dïmaştıñ dawısı – bul adamdardıñ jüregin jawlap alatın,  erekşe ïmpwl's, bılay aytqanda  «Kinetic Voice» (ot greç. Kinetikos – qïmılğa äkeletin äreket). Bul - Dïmaştıñ koncertiniñ bastı koncepcïyası. Şow  kïnetïkalıq stïl'de qurılğan, onıñ obrazına deyin ïmïdjmeykerlermen keñinen oylastırılğan. Är nomer – ortaq ïdeyanı jetkizetin jeke oqïğa, mïnï-spektakl' dewge boladı. Qazirgi sätte barlıq texnïkalıq jağdaylar, mwl'tïmedïyalıq şeşimder, saxnanıñ ärlenwi, dıbıs pen jarıq mäselesi şeşildi. Endi dekoracïya men rekvïzït qarastırılıp jatır. Koncerttiñ tv nusqasın sapalı tüsirw jumıstarı da oylastırılwda, aldağı 3 ayğa jospar qurılğan.  Şığarmaşılıq toppen mwzıkalıq materïaldar, qoyılım jumıstarı men grafïkalıq şeşimder tolıq iske asırılıp jatır.  Koncertke qatısatın türli janrdağı bïşiler tobına arnayı kastïng jürgizildi. Kastïng qorıtındısı boyınşa xalıqaralıq alañdarda öner körsetken elimizdiñ eñ mıqtı bïşileri qatısatın boldı».


Tağı da bir jañalıq, 1 mamır küni Ulttıq arna éfïrinen Dïmaştıñ Nawrızda Mäskewdegi Kreml' sarayında ötken koncerti körsetiledi. Sonday-aq, korporacïya Dïmaş twralı derekti fïl'mniñ tüsirilimin bastap ketti. Bul twındıda Dïmaştıñ ömiri, şığarmaşılığı jaylı bayandaladı.