Erjan Maksïm: «Andrea Boçellïmen birge än salğım keledi»

09:32, 28 qaraşa 2019   375

Pol'şada ötken «Junior Eurovision-2019» än bayqawında ekinşi orın alğan qazaqstandıq änşi Erjan Maksïm öziniñ armanın ayttı. «Andrea Boçellïmen birge än salğım keledi. Basqa da ataqtı adamdarmen, mäselen Lara Fabïanmen, Selïn Dïon men Dïmaş Qudaybergenmen birge än aytw – meniñ armanım», - dedi ol mïnïstr Aqtotı Rayımqulovamen kezdesken jïında.

Öz kezeginde Mädenïet jäne sport mïnïstri Erjan Maksïmge aldağı waqıtta da qoldaw körsetiletinin atap ötti. «Erjan oqwın jalğastıradı. Käsibï turğıda da, tulğa retinde jetile beredi. Adamnıñ dawsınan-aq qanday tulğa ekenin añğarwğa boladı. Käsibï tabısımen birge Erjan ğılımdı da meñgerip, köp oqıp, şınında da mıqtı änşi bola bersin dep tileymin», - dedi ol.

Eske sala ketsek, Pol'şada ötken «Junior Eurovision-2019» än bayqawında baq sınağan qazaqstandıq Erjan Maksïm ekinşi orın alğan bolatın. QR Prezïdenti Qasım-Jomart Toqaev Erjan Maksïmdi än bayqawındağı jüldesimen quttıqtadı.