Elimizde azamattarğa arnalğan ükimet qızmeti bala ömirge kelgen sätten bastaladı

Keşe «Quttı qonaqqa» «Azamattarğa arnalğan ükimet» memlekettik korporacïyasınıñ Qoğammen baylanıs departamentiniñ basşısı Murat Jumanbay qonaqqa keldi. Osı korparcïyanıñ qurılğanına bïıl – 8 jıl.

09:32, 9 säwir 2019   329

Murat Jumanbay Qazaqstanda 700-den astam qızmet bolsa, onıñ 621-i, yağnï, 83%-ı – azamattıq qızmetter ekenin atap ötti. Sonımen qatar, bïılğı jıldıñ ayağına deyin qızmetterdiñ 80%-ı, keler jıldan bastap, 90 %-ı élektrondı qızmetke köşetin boladı.

Departament basşısınıñ aytwınşa, bir tereze qağïdası qazir orındaldı. Sonımen qatar, endi «Bir arız» qağïdası qolğa alınwda.

Büginde azamattarğa arnalğan ükimet qızmeti bala ömirge kelgen sätten bastaladı. Yağnï bala ömirge kelgen bette-aq, äyel adamğa birden 3 xabarlama keledi.   Bul da bir qazirgidey zımırap aqqan juldızday jedel damığan zamannıñ körinisi.  

Atalmış korporacïyanıñ jañalığı munımen bitpeydi. Sonday-aq, ID pasport jüyesi qolğa alınwda. Yağnï, jeke kwälikti birge alıp jürmey-aq, mäselelerdi şeşwge boladı. Bul qoltañbanı nemese adamnıñ betin skanerlew arqılı jüzege asadı.

Ayta ketetin jayt, bügingi küni qızmetterdiñ 63%-ı  élektrondı türde qoljetimdi.

Suqbattı tolığıraq awdïo nusqadan tıñday alasızdar.