«Dala fol'klorınıñ antologïyası» jïnağınıñ tusawkeseri ötti

Ortalıq kommwnïkacïyalar qızmetinde «Qazaqstan» teleradïokorporacïyasınıñ quramına kiretin «Qazaq radiolary» JŞS-niñ «Dala fol'klorınıñ antologïyası» attı jïnağınıñ tusawkeserine baylanıstı brïfïng ötti.

13:55, 19 säwir 2019   351

«Dala fol'klorınıñ antologïyası» jïnağı Elbası N. Nazarbaevtıñ «Ulı dalanıñ jeti qırı» maqalasınnıñ ayasında QR Aqparat jäne qoğamdıq damw mïnïstrliginiñ bastamasımen jüzege astı. 

Şarağa QR Aqparat jäne qoğamdıq damw mïnïstri Däwren Abaev, «Qazaq radiolary» JŞS-niñ dïrektorı Qurmanbek Jumağalï, QR MSM Mädenïet jäne öner isteri departamenti dïrektorınıñ orınbasarı Äbil Jolamanov jäne aytısker aqın, Qazaqstannıñ Eñbek siñirgen qayratkeri Amanjol Ältaev qatıstı.

 

Jïında mïnïstr Däwren Abaev antologïya negizinde «Altynqor» saytı men mobïl'di qosımşası da jasalatının atap ötti. Sonday-aq, osı sayt arqılı qazaqstandıqtar ğana emes, şet eldik qandastarımız da aqparat ala aladı.

Sonımen qatar, mïnïstrdiñ aytwınşa, keleşek urpaq mäselesinde memleket tarapınan aqşanı ayamawımız kerek. Öz sözinde mïnïstr munday qundı jobalardı ärqaşan qoldawğa dayın ekenin ayttı. Jïınğa jïnalğan jwrnalïsterdi öz usınıstarımen aqparat mïnïstrligine kelwge şaqırdı.

Al «Qazaq radiolary» JŞS-niñ dïrektorı Qurmanbek Jumağalï «Dala fol'klorınıñ antologïyası» attı jïnağınıñ dayındalwına 6 ay waqıt ketkenin jetkizdi. Arnayı top qurılıp, qırwar eñbek atqarıldı degen Qurmanbek Jumağalï bastama usınğan mïnïstrlikke jäne öz äriptesterine alğıs ayttı.

Atalğan jïnaqqa Qazaq radiosy-nıñ «Altın qorında» 1948 jıldan beri saqtalğan xalqımızdıñ mädenï muraları, san ğasırlıq tarïxqa tolı şığarmaları – ertegiler, batırlar jırı, aytıs öneri, şeşendik sözder, jır-dastandar, küy-termeler jäne t.b. engen.

Ayta keteyik, ulttıñ ünjarïyası – Qazaq radiosy-ında 1959 jıldan bastap «Ertegi» aydarımen barlığı 350 xabar dayındalğan bolatın. Al, keyinnen «Erden atanıñ ertegileri», «Zämzägül äjeniñ ertegileri», «Aydos atanıñ ertegileri» jäne «Sawıq äjeniñ ertegileri» degen atawmen jañartılıp, är jıldarı jazılğan taspalar qayta toptastırılıp şıqtı.

Sonday-aq, «Altın qorda» saqtalğan elimizdiñ belgili jırşı-termeşileriniñ orındawındağı 2015 jılı qayta üntaspağa jazılğan batırlar jırınıñ 50 nusqası kirdi.

Ejelden kele jatqan ultımızdıñ töl öneriniñ biri – aytıstıñ 1960 jıldan beri saqtalğan 10 şığarılımı, 1950 jıldan bastap saqtala bastağan, «Salt-dästür» atawımen berilgen - «bata», «betaşar», «sıñsw», «jar-jar», «joqtaw», «jarapazan», «besik jırları» sındı jädigerler de jïnaqqa engizildi.       

Ayta ketetin bir jayt, jıl basınan beri «Qazaq radiosy» men «Shalqar» radïosınıñ éfïrinen «Dala fol'klorınıñ antologïyası» attı arnayı bağdarlama tıñdarmanğa jol tartqan bolatın.

Xalqımızdıñ ömirin beyneleytin, qïyal-ğajayıp negizge qurılğan qundı şığarmalar osılayşa jalğasın tappaq.

Aytısker aqın Amanjol Ältaev dala fol'klorın tıñdap ösken bala äke-şeşesin jetimder üyine ötkizbeydi, Otanın tastap ketpeydi dep tebirenip, bul däl qazir bizge qajetti joba, dedi.

QR MSM Mädenïet jäne öner isteri departamenti dïrektorınıñ orınbasarı Äbil Jolamanovtıñ aytwınşa, jaqın arada Elbası maqalası ayasında arnayı ékspedïcïya qurıladı.